Wala pa napalab-ot sa Sangguniang Panlungsod sang Bacolod City ang nahanungod sa pagkadula sang mga solar lights kag twerka sang mga street lights sa Bacolod Negros Occidental Economic Highway (BANOCEH).
Sa interview kay Councilor Al Victor Espino, chairperson sang Committee on laws and ordinances, sila ang wala pa sang nabatun nga complaint tuhoy sa issue.
Apang bangod naggwa na ang report, ginpasalig sang konsehal nga ila man ini nga tun-an.
Aminado ini nga indi na bag-o ang kinawatay sang street lights bangod ini ang natabo na sadto paman sa Third district.
Dugang pa ni Espino nga pinaagi sa BANOCEH, tuman ka lapit na lamang sang Silay kag Talisay City diri sa ciudad sang Bacolod.
Tun-an man nila ang pagrequest sa kapulisan nga madeploy sa area, apang aminado ini nga mabudlay ini nga ipatuman 24 km ang kalabaon sang dalan.
Sa karun, indi pa kompleto ang nasugaan sa nasambitan nga dalan, apang may mga bahin na nga ginkawat ang solar lights kag gina-amat amat palos ang mga twerka sang poste.
Panawagan sang konsehal sa mga motorista nga kun may matalupangdan nga nagatambay sa area kag makaduluda, mas maayo nga ireport sa kapulisan.
Aminado si Espino nga mas maayo nga madakpan gid ang mga kawatan bangod apisar may nagabantay ang kawatan ang nakahibalo man magpanilag kag mag-atake kun wala na sang bantay.
