Mahimo maka-avail sang calamity loans kag salary loan nagikan sa state-led pension fund nga Social Security System (SSS) ang mga miyembro sang SSS nga apektado sang sunod-sunod nga mga bagyo nga nag-igo sa pungsod sang tinalikdan nga mga binulan.
Ginpahayag samh Social Security System, ang mga myembro sini sa mga lugar nga gin-igo sang tropical cyclones (TCs) Kristine, Marce, Nika, Ofel, kag Pepito sa nagligad nga pila ka semana mahimo nga maka-avail sang calamity loan tubtob Disyembre 19.
Ang kantidad sang loan ang nagalab-ot sa isa ka bulan nga salary credit tubtub P20,000 suno kay SSS Officer-in-Charge Voltaire Agas. Ang mga myembro sang SSS sa mga lugar nga ginpaidalom sa state of calamity ang kwalipikado nga mag-aplay para sa loan.
Nahibaluan nga ang mga pautang sa kalamidad kag sweldo, mahimo bayaran sa hulugan sa sulod sang 24 months ukon duha ka tuig nga may manubo nga tuigan nga interes nga 10 percent base sa members’ diminishing balance.
