Ginvandalize ang pila ka mga street signages sang Bacolod Traffic Authority Office ukon BTAO sa dalan Lacson kag iban pa nga lugar.
Ginpahayag ni Patrick Lacson, officer-in-charge sang Bacolod Traffic Authority Office, magapangayo sila sang bulig sa mga kapulisan agud nga mapatuman ang anti-vandalism ordinance sang ciudad.
Suno kay Lacson, makabig nga illegal ang pag vandalize sang propiedad sang iban nga tawo, nga indi lang nagakatabo sa Bacolod kundi sa iban man nga lugar.
Suno sa BTAO head dapat ma intiendihan sang publiko ang tinutuyo sang mga traffic signs nga mag giya sa publiko kag mga motorista rason nga dapat ma edukar ang mga kabataan nga ginatan-aw nagahimo sang vandalism.
Ginpahayag man may yara sang nagakaigo nga venue para ma express sang tawo ang ‘Art’ nga ginatawag. Plano ni Lacson nga mausisa ang CCTV sang mga establisamento malapit sa mga street signs nga na vandalize.
Nahibaluan nga sang 2011 gin-aprubahan ang ordinansa nga nagadumili sang vandalism kag ini ang gin amyendahan sang 2014.
Sa idalum sang ordinansa, ang violator ang magabayad sang iya ginvandalize nga propiedad sang P3,000 tubtob P5,000 nga multa kag pagka preso nga tatlo ka bulan tubtob isa ka tuig depende sa nahimo nga bayolasyon.
Sa tion nga ang violator ang naga edad 15 anyos panubo, ang ginikanan ang may yara sang civil liability.
Ang violator nga naga edad 15 tubtob 18 anyos, ang magabayad sa navandalize nga propedad kag community service sa barangay.
