Malipayon nga nagbatun ang anom ka mga mapalaron nga nagabutan bilang studio draw winners sa Week 2 sang Swerte sa Palengke Promo 2025 sang Bombo Radyo kag Star FM.
Salbar na ang handa para sa birthday ni Raymar Romo sang Purok Malipayon, Brgy 35, Bacolod City matapos makabatun sang P5,000 bilang First Prize winner.
Si Romo, ang magaselebrar sang iya ika-31 nga kaadlawan bwas, Hulyo 22.
Ini ang nagdaog pinaagi sa proof of purchase nga Syngenta.
Si Romo ang isa ka massage therapist, kasado, kay may lima ka nabilin nga kabataan.
Samtang bulong kag vitamins sang kabataan naman ang kandtuan sang premyo nga nabatun ni Honey Grace Morante sang Purok Saturn, Brgy Handumanan, Bacolod City.
Siya ang nagdaog sang P4,000 bilang 2nd Prize Winner paagi sa ginhulog sini nga proof of purchase sang Birch Tree.
Si Morante ang housewife samtang e-bike driver naman ang iya bana.
Magluwas sa vitamins kag bulong, ang sobra ang ibakal man sini sang groceries sa balay.
May ibakal naman sang maintenance nga bulong si Mary Jean Voluntate sang Purok Riverside, San Jose, Kabankalan City matapos magdaog sang P3,000 bilang 3rd Prize winner.
Siya ang nagdaog paagi sa proof of purchase nga coupon sang R Florete Pawnshop and Jewelry.
Ini ang una nga kahigayunan nga nakadaog sa promo sang Bombo Radyo si Voluntate, gani karun nga nakatilaw na sang grasya, plano sini nga magpadayun sa paghulog sang entries.
Si Voluntate ang nagaluto na lamang sang sud-an nga ginabaligya sa ila nga balay matapos mauntat sa pagtrabaho sa school canteen bangod sa masakit.
Driver naman ang iya bana, kag sila ang may lima ka kabataan.
