-- ADVERTISEMENT --
Nagpasalig si Brigadier General Orlando Edralin, commander sang 303rd Infantry Brigade sang Philippine Army, nga handa ang kasuldadohan nga magbulig sa Local Government Units pananglitan nga mag-erupt ang Bulkan Kanlaon.
Sa interview sang Bombo Radyo Bacolod kay Edralin, may designated na nga trabaho ang response unit sang kada Battalion kag Brigade bilang preparasyon kun maglupok ang bulkan.
Ginpa-alerto man sini ang mga naga-patrol nga personnel malapit sa 4km radius permanent danger zone.
Suno kay Edralin, naka-alerto ang tanan nga personnel kag nakahanda na ang mga equipments kag transport vehicles para magresponde sa ano man nga oras.
