Tuman ang kalipay sang mga tagdaog sa 3rd studio draw sang Swerte sa Palengke Promo sang Bombo Radyo kag Star FM, sa pagbatun sang ila premyo.
Dako nga bulig sa 62 anyos nga si Elsa Tipawan sang Camingawan Proper, Barangay Taloc, Bago City ang nabatun sini nga P5,000 bilang 1st Prize Winner.
Siya ang nagdaog pinaagi sa ginhulog nga proof of purchase sang Surf power.
Si Tipawan ang may lima ka kabataan, kag ini sa karun ang nagaluto sang mga pagkaon nga iya ginalibod sa ila lugar.
Ang cash nga nadaog ang gamiton sini sa pagbakal sang maintenance nga bulong kag mga galamiton sa sulod sang balay.
Samtang dugang naman para sa kapital sang dry goods vendor sa Sum-Ag Public Market ang nadag-an sang 2nd Prize Winner nga P4,000.// Si Carla Consumido sang Purok Santanville, Barangay Sum-ag, Bacolod City ang nagdaog pinaagi sa proof of purchase nga Gardenia nga iya ginhulog sa dropbox sa Barangay Sum-ag.
Para naman sa school supplies sang tatlo ka kabataan kag mga galawion sa sulod sang balay ang nadag-an nga P3,000 sang 3rd Prize Winner.
Si Jeffrey Revoreal, 36 anyos, job order employee sa Libertad Public Market sang Purok Seaside, Barangay Tangub, Bacolod City ang nagdaog pinaagi sa proof of purchase nga Revicon.
Si Revoreal ang may tatlo ka kabataan isa ka highschool kag duha ka elementary student.
