Tuman katam-is ang yuhom sang mga tagdaog sa una nga semana sang Obra Maestra Challenge sang Buena Mano Salvo Year 15 Promo kadungan sang pagkuha sang premyo kaina sang aga.
Dako ang pasalamat ni Edelyn Bulahan, residente sang Purok Mahilig-ugyon, Brgy. 35, Bacolod City matapos mapilian nga isa sa nagda-og sang P1,500 cash bilang consolation prize.
Ginpahayag sini nga ibakal sang gatas kag diaper sang anak sini ang nadag-an nga kwarta.
Nagpasalamat man si Sandra Galuyo, residente sang Brgy. Guinhalaran, Silay City nga wala nauyang ang panahon sini sa paghimo sang bag bangud nakadaug man ini sang P1,500 cash.
Samtang wala man matago ni Christine Joy Dato-on residente sang Brgy. 7, Bacolod City ang kalipay sini sang ginabaton ang P1500 cash matapos mapilian man nga tagdaug sang consolation prize.
Tuman naman ang pagpasalamat ni Sandra Plateros sang Alunan Baybay, Barangay 35, Bacolod City sang ini ang napilian nga tagdaog sang P3,000.00 cash bilang major prize.
Wala naman nauyang ang tatlo ka adlaw nga pag-ubra sini sang hand bag nga himo sa putos sang silver swan bangud nakuha sini ang major prize.
Nagpangagda man ini sa mga tawo nga wala sang obra sa karun nga magpasakop sa paghimo sang obra maestra sa Buena Mano Salvo promo sang Bombo Radyo kag Star FM agud nga magdaog man kapareho sini.
