Temprano pa nga nagbantay sa estasyon sang Bombo Radyo Bacolod ang pinakauna nga tagdaog sang Limited Edition Commemorative Radio Set kag P200 cash para sa Radyo Para sa Pilipino Promo sa ika-55 nga anibersaryo sang Bombo Radyo Philippines kahapon.
Tuman ang kalipat sang 55 anyos nga si Rebecca Sernal sang Barangay Villamonte, Bacolod City nga siya ang mapalarun para mangin pinakauna nga tagdaog sa 3,200 nga kabug-usan nga igapanghatag nga transistor radio para sa promo.
Ini ang nahibaluan nga napulo na katuig nga stroke victim gani may kabudlayan ini sa paghambal.
Suno sa iya, samtang yara sa kapehan, nabatian niya ang anunsyo sang estasyon nga kinahanglan lang nga maghulog sang entry kag sarang na nga makadaog sang radyo, gani gilayon man ini nga nagpadulong sa Bombo Radyo Station kag naghulog.
Suno sa iya, ginhambalan lang ini sang iya nga abyan nga nalawagan ang iya pangalan bangod wala ini sang kaugalingon nga radyo.
Ginpasalamat man sini ang Bombo Radyo Philippines bangod may ara na ini magamit nga iya na mismo nga radyo.
Samtang ginkalipay naman sang ikaduha nga winner nga si Angeles Zuniga, 79 anyos sang Barangay 40, Bacolod City nga makabatun ini sang Limited Edition Commemorative Radio Set nga may sticker sang 55th Anniversary sang Bombo Radyo Philippines kag ang P200 nga cash.
Suno kay Zuniga, nagapamati ini kahapon sang aga gamit sa iya nga gubaon nga radyo, kag naswertehan naman nga apisar nagaburot-burot naathagan sini ang paglawag sa iya nga pangalan.
Suno pa diri, nagaandar kun isaksak ang iya nga daan nga radyo, apang nagakadula ini pagkaligad lang sang pila ka tinion.
Tuman ang kalipay sini nga makabatun sang makabig sini nga memorabilya gikan sa Bombo Radyo Philippines gani sarang nasini nga mabuy-an ang guba nga radyo.
