Nagpasalig ang Malacañang sa publiko nga handa ang gobyerno sang Pilipinas nga mag-assist sa mga Filipinos sa Ukraine sa tunga sa Russian invasion.
Suno kay acting presidential spokesperson Karlo Nograles, ang kaluwasan sang mga Filipinos sa Ukraine ang nagapabilin nga prayoridad ni Presidente Rodrigo Duterte.
Suno kay Nograles, ang Philippine government, paagi sa Department of Foreign Affairs, ang nagapatigayon sang repatriation efforts para sa mga Filipino sa Ukraine.
Ang DFA ang nag-apelar sa mga Filipinos sa Ukraine nga indi magpanic kag nagpasalig nga tanan nga OFW ang pagahatagan sang assistance kag masaylo sa mas luwas nga lugar.
Una na nga ginpahayag ni Foreign Secretary Teodoro Locsin Jr. nga nagpasugot na ang Poland nga pahanugutan ang mga Filipinos nga maghalin sa Ukraine agud makasulod sa pungsod apisar nga wala sang visas.
Ginpahayag ni Ukraine Foreign Minister Dmytro Kuleba nga naglunsyar na ang Russia sang full-scale invasion sa Ukraine.
May yara sang kapin 380 ka mga Filipinos nga nagapuyo sa Ukraine kun sa diin kalabanan ang nahamtang sa Kyiv kag malayo sa eastern border malapit sa Russia.
Suno kay Bombo correspondent Joy Fernandez Tolentino nagikan sa Kyiv, Ukraine, nagapanago sila sa karon sa isa ka village bangud tuman kagutok ang trapiko pagwa sa ciudad gani wala sila nadayon sa orihinal nga destinasyon.
Suno kay Tolentino, may basement kuntani ang ila kadtuan.
Sa karon, mabatian man sini gihapon ang linupok.
