Nagdangat sa kapin napulo ka mga TV sets ang ginpangkuha sa mga opisina sa Bacolod City Government Center kasunod sang kontrobersyal nga litrato nga may mga empleyado nga nga nagalantaw sang teleserye samtang office hours suno kay Bacolod City Mayor Alfredo Benitez.
Suno kay Benitez, bangud sa ginpadala nga litrato, ginpangkakas ang kapin napulo na tanan ka mga TV halin sa magkatuhay nga opisina sa BCGC.
Suno kay Benitez 133 tanan ka mga TV ang ginpang-issue sa mga opisina sa government center.
Ginpahayag sang alkalde nga sa inisyal nga sabat sa iya sang mga empleyado nga nakuhaan sang litrato nga wala pa na sila sang ubrahon gani naglantaw ang mga ini sang TV kag ginsabat man sila sang alkalde nga magpauli nalang kag magundertime kun wala lang man sila sang ubrahon.
Suno pa diri, santo sa sabat sang mga empleyado sa Notice to Explain nga ang mga TV sets ang gingamit sang panahon sang COVID-19 pandemic.
Ginpahayag man sini nga ang mga TV ang isayluhon sa mahimo magamit ukon ihatag sa mga eskwelahan.
Suno kay Benitez, dapat intindihon kag ikabuhi sang mga empleyado ang kaundan sang panumpa ng mga kawani ng gobyerno ukon government employees.
