Nagpanugyan man ang chairman sang committee on markets and slaughterhouse sa Sangguniang Panlungsod sang Bacolod nga si Councilor Celia Flor sa mga tenants sang Manokan Country nga tumanon sang mga ini ang ila nga obligasyon sa siyudad labi nga apektado ang pagrekomenda sa mga ini sa ginaplano nga Private Public Partnership.
Suno kay Councilor Celia Flor, kinahanglan nga kay-uhon sang mga tenants ang ila nga rekord sa pagbayad para mas mahapos ang proseso sa pag-negotiate kun matuman ang PPP sa managemnet kag operation sang Manokan Country.
Suno diri, mahuya man ang siyudad nga magrekomendar sa mga tenants labi na nga indi maayo ang rekord sang ila nga payment.
Gani ginahingyo sini nga magbayad sang insakto kag tumanon ang obligasyon para sa benepesiyo sa pagsanyog sang Manokan Country.
Samtang, ginaplanohan sa krun ang pagpatigayon sang Inasal Festival sa bulan sang Mayo, nga suno kay Flor ini ang makahatag sang bulig sa promotion sang Manokan Country.
