Gikan sa sunod sunod nga 3-digit figure nga nagakarecord sang syudad sang Bacolod sa COVID-19 subong nga bulan sang Oktobre, ang syudad ang nakarecord kahapon sang 93 ka mga kaso.
Suno kay Em Legaspi Ang, Executive Director sa Emergency Operation Center (EOC), 93 ka indibidwala ang narecord sang EOC nga nalatnan kahapon kag ini na ang pinakamanubo humalin sang ulihi nga nakarecord sang manubo sa 100 ang syudad sang Oktobre 4 nga yara sa 94.
Agud indi na magbalik sa 3-digits ang kaso ang syudad ang nakahanda ang mga ini nga mag-implementar sang mas estrikto nga implementasyon sang protocols.
Pagasegihun man sang syudad ang pagbantay sa mga mass gatherings kag vaccination rollout.
Sa karun ang kabug-usan nga na-administer na ang nagadangat sa 323,208 doses ukon 75 porsyento sang eligible population.
Apang paathag sini nga agud malab-ot ang herd immunity dapat naman nga mabakunahan ang 70 tubtob 80 porsyento sang general population kag sa karun yara palang ang syudad sa 57.6 percent sang sentre.
Bangod sini, may nabilin nalang nga 20 tubtob 30 porsyento agud malab-ot ang target nga 424,000.
Ginpanugyan man ni Ang nga 24 oras na sa karun nga bukas sa bilog nga semana ang mega vaccination centers sa mall.
Aminado naman ini nga madamo sang mga wala nagapati sa pagbakuna, gani nagahingyo man ang mga ini sang bulig gikan sa mga purok kag barangay sa syudad sang Bacolod.
