Gin-aresto ang tatlo ka anay empleyado sang isa ka nursing home sa Winston-Salem, North Carolina, matapos sila nga gin-akusaran sang mga otoridad nga nag-organisar kag naga-record sang mga pagpa-away sang mga tigulang nga may dementia.
Ang insidente ang natabo sa sulod sang isa ka memory care unit.
Suno sa mga imbestigador, gina-organisar sang mga empleyado ang pagtapungolay sa tunga sang mga katigulangan kag ini ang gina-record gamit ang cellphone.
Santo sa dokumento sa korte, nagalantaw lamang ang mga empleyado kag wala man lang nagtambag apisar may mga balatian ang mga biktima.
Nagsugod ang imbestigasyon matapos mareport sa mga otoridad ang mga isyu nga nagduso sa mga kapulisan kag mga government officials nga tsekyaron ang pagsulundan kag operasyonsa sulod sang pasilidad.
Suno sa mga opisyal, bangud sa mental condition sang mga pasyente, wala nahangpan kag indi nila kontrolado ang ila nga hulag.
Ang tatlo ka mga empleyado ang gin-aresto kag ginpasakaan sang kaso angot sa pagpangabuso.
Sila ang ginkakas sa pwesto samtang ang pasilidad ang ginpaidalom sa ma id-id nga pag-usisa sang mga regulators kag ginhatagan sang warning angot sa kaluwasan kag pag-atipan sang mga pasyente.
