Amat-amat na nga nagahalin ang mga traditional jeepney drivers and operators sa ginapatigayon nga rally-protesta sa Bata flyover agud magsaylo sa freedom park sa Bacolod Public Plaza.
Apang nag-ibwal ang mga ini matapos makabatun sang impormasyon nga nagmando si Bacolod Traffic Authority Office (BTAO) deputy head Jose Antonio “Jojo” Robello nga sila ang dakpon sa ila pagbyahe.
Sa interview sang Bombo Radyo Bacolod kay Bacolod Alliance of Commuters, Operators and Drivers Inc. (BACOD) – Manibela President Rudy Catedral, nag-abiso si Bacolod City Police Office (BCPO) Director Police Col. Joeresty Coronica pinaagi kay Bacolod City Police Station 3 station commander Police Captain Rondyl Tapang nga sila ang magtransfer sa Bacolod Public Plaza bangod sila ang wala sang rally permit.
Paathag ni Catedral nga sila ang gilayon man nga nagpati sa abiso bangod indi man sini luyag mabutang sa alang alang ang iya mga miyembro.
Sila ang umpisa nga nagtipon sa Bata Flyover alas-7:00 kaina sang aga kag may isa pa ka grupo nga nagplastar naman sa sur nga bahin sang ciudad.
Panawagan sang mga ini nga mabalik ang ila 5-year franchise kag mahatagan sang individual franchise.
Plano ni Catedral nga sila ang magapadayun na lamang sa rally-protesta sa plaza bangod didto sila ang sarang lamang makarally bisan wala sang permit.
Apang tuman ang kaakig sini sang mabatun ang impormasyon nga may ginpabantay na ang BTAO sa dalan agud magdakop sa ila miyembro.
Pahayag sini nga nagsugot na ang kapulisan nga sila ang makasaylo apang indi sini mahangpan ang utok ni Robello.
Dugang pa sini nga ini man mahimo nga biyaan nila ang mga jeepney units kag maglakat nalang padulong sa plaza.
Panindugan ni Catedral nga ini ang paglapas sa ila tawhanon nga kinamatarong.
