Nagpadayon sa pagbyahe kahapon ang pila ka mga traditional jeepney sa ciudad sang Bacolod kun sa diin wala man sang may natabo nga dakpanay bisan natapos na ang ginhatag nga extension sa ila sang Abril 30 para magpaconsolidate.
Nagrally naman ang pila ka mga transport group sa pagpanindugan nga sila ang nagapamatok sa Public Utility Vehicle Modernization Program.
Nagapanguna nga rason sang mga tarditional drivers and operators amo nga mahal ang pagbakal sang modernized unit nga indi nila masarangan nga mabayaran.
Nagtuga naman ini sang problema sa mga pasahero bangod nga iban ang na-late sa ila nga schedule kag iban naman ang nagab-ihan na nga makapauli.
Samtang, kasunod sa pagselebrar sang 122nd labour day kahapon, may yara sang mga labour grups nga nagrally nga gin-updan man sang traditional jeepney drivers kag operators.
