Ginpahayag sang presidente sang Bacolod Alliance for Commuters Operators and Drivers (BACOD) Incorporated nga makabiyahe na sila apang dapat may yara sang rehistro ang salakyan kag provisional authority nga nagtapos sang December 31.
Sa interview sang Bombo Radyo Bacolod kay Rudy Catedral, nakahinun-anon sila kay Bacolod City Mayor Alfredo Benitez kag ginpahayag sini nga mahimo sila nga makabiyahe apang dapat may yara sang rehistro kag may yara sang provisional authority nga valid sang December 31.
Samtang apisar nga ginpahanugutan ang mga ini nga makabiyahe tubtob sa January 31, indi sila sagihapon magpaconsolidate kag natapos naman ang deadline sang consilidation.
Suno kay Catedral, wala pa sila makahibalo kun ano ang matabo sa bulan sang Pebrero apang ang ila gina-away nga madagdagan sang korte suprema sanf Temporary Restraining Order (TRO) ang pagtuman sang Public Utility Vehicles Modernization kag maimbestigaran ang ginapatuman nga department order, ang yara na sa kongreso kag ginahulat nalang nila ang desisyon angot diri.
Suno diri sa madason nga semana mahibaluan na sang mga ini ang resulta sang ila ginahingyo nga pagissue sang korte suprema sang TRO sa pagpatuman sang PUV modernization program.
Ginpahayag man ni Catedral, ang ila nga rally protesta ang gin-updan sang 800 ka mga drivers kag operators sang jeepney drivers kag masobra 100 ka mga jeepney units ang wala nagbiyahe bangud sa rally protesta nga ila ginapatigayon.
Ginpahayag man sini nga apisar nga makabiyahe na sila, akig man ini sagihapon kay Bacolod Land Transportation Office Head Renato Novero.
