Nangin maayo man ang pagbiyahe sang mga traditional jeepneys kahapon partikular na ang miyembro sang Bacolod Alliance for Commuters Operators and Drivers (BACOD) Incorporated kag wala man sila gindakop sang Land Transportation Office apisar nga may operasyon ang mga ini kahapon.
Sa interview sang Bombo Radyo Bacolod kay Rudy Catedral, presidente sang Bacolod Alliance for Commuters Operators and Drivers (BACOD) Incorporated, wala man sang nangin problema ang ila nga pagbiyahe kahapon kag wala man sang katapo sang LTO nga nagpanakop sa mga nagabiyahe nga mga traditional jeepneys nga nagabiyahe.
Samtang, nagpanindugan man ini nga indi sila magpaconsolidate agud nga magsulod sa isa ka kooperatiba bangud sa guidelines sang pagpatuman sang PUV modernization program.
Suno kay Catedral, kun magpaconsolidate sila sa tion nga liwat nga buksan liwat ang consilidation, indi ini magsulod bangud daw kaangay lamang ini nga ginhatag nila ang ila palangabuhian sa iban.
Suno pa diri, mapadayon ang mga ini sa pagpatigayon sang rally protesta batok sa ginapatuman nga PUV modernization program.
Samtang, padayon man ang ila nga paghulat sang pag-issue sang Temporary Restraining Order sang korte suprema sa agud nga mahatagan sang ligwa ang pagreview sang implementasyon sang PUV modernization program.
