Nagdangat sa 45 ka traffic enforcers ukon job orders sang Bacolod Traffic Authority Office (BTAO) ang wala na nakarenew sang ila mga kontrata para sa subong nga tuig 2025.
Sa interview sang Bombo Radyo Bacolod kay Patrick Lacson, pinuno sang BTAO, antes matapos ang tuig 2024, gin-instructionan siya ni Bacolod City Mayor Alfredo “Albee” Benitez nga i-assess ang workforce sang Traffic Management Team nga kinahanglan nga mapakita man sang mga job order workers nga nagakadapat ang mga ini sa trabaho nila sa dalan especially sa pagderiher sang trapiko.
Suno kay Lacson, ang 45 nga wala ginrenew ang kontrata ang madamo nga criteria sa assessment ang wala mapasaran.
Suno kay Lacson, isa na diri ang kun kaisa indi makita sa dalan kun sa diin ang mga ini naassign agud nga magderiher sang dalagan sang trapiko.
Gin-athag man ni Lacson nga apisar nga nabuhin ang personnel sang BTAO sang 45, wala man naapektuhan ang operasyon sang nasambit nga departamento.
Apang aminado man ini nga dako nga bulig kun maulian ang 45 ka mga traffic enforcers nga wala na ginparenew sang ila nga mga kontrata.
Ginpahayag man sini nga ang ginsuguran sang ila nga assessment ang agud nga masiguro nga ang mga ginhire nga job orders para sa BTAO ang nagakadapat.
