Nagpatigayon sang training ang Traffic Enforcement Unit kag Bacolod Traffic Authority Office (BTAO) para sa mga traffic enforcers sa paggamit sang Bigbikes nga naggikan kay Bacolod City Mayor Alfredo “Albee” Benitez.
Sa interview sang Bombo Radyo kay BTAO Head Police Major Junji Liba, nag-umpisa ang training sang Enero 27 kag sa karun yara na sila sa ikaduha nga semana.
Suno diri indi lamang BTAO ang sarang nga maggamit sang bigbikes gani kinahanglan man nga mahibaluan sang uniformed personnel gikan sa traffic enforcement unit ang paggamit sini.
May yara man sang ginhatag nga module nga ila pagatun-an.
Bangod 30 ka mga personnel ang required nga magtuon, sila nagkuha sang tag-isa ka representative gikan sa kada Police Station kag Mobile Patrol Unit agud magpartisipar.
Suno kay Liba, indi mandatory ang pagpatisipar sa training apang bangod may bag-o nga bike nga ginhatag ang alkalde sang siyudad, gani kinahanglan nga masarangan ini nga magamit sang personnel rasun nga nagpatigayon ang highway patrol group sang kaangay nga training.
