Nagahulat na lamang sang pila ka mga transport group sa Bacolod City ang desisyon sang Land Transportation Franchising and Regulatory Board (LTFRB) kasunod sang ginpatigayon nga tatlo ka adlaw nga silent protest sa LTFRB 6 Office.
Ini angot sa ila panawagan nga pahanugutan nga mahatagan sang prangkisa ang mga unconsolidated traditional jeepneys samtang ginahitso pa ang problema sa Public Utility Vehicle Modernization Program.
Kalakip sa mga nagprotesta ang pamunuan kag mga miyembro sang Bacolod Alliance for Commuters, Operators and Drivers Incorporated (BACOD), Kabakod Negros Transport Coalition Incorporated (KNETCO) kag United Negros Drivers and Operators Center (UNDOC).
Sa interview sang Bombo Radyo Bacolod kay KNETCO President Lilian Sembrano, sila ang nagpull-out na sa gwa sang LTFRB 6 Regional Office alas-3:00 kahapon matapos nga maghatag derektiba ang LTFRB Central Office nga atubangon ang mga problema nga ginapresentar sang mga transport group sa Bacolod.
Alas-10:00 sa Lunes, magapatigayon sang board meeting ang LTFRB angot diri, kag sila ang nagalaom nga mahatagan sang win-win solution ang problema.
Kun mahatagan sang prangkisa ang mga unconsilidated traditional jeepneys sa Bacolod City, ginalantaw ni Sembrano nga ini ang mangin palaagyan agud mapatuman man sa bilog nga Pilipinasa samtang wala pa nasulosyonan ang mga problema sa Public Utility Vehicle Modernization Program.
