Pagadayunon sang transport group nga Manibela ang ginaplano sini nga tatlo ka adlaw nga transport strike bilang pagpakita sang protesta sa pagpanakop sang unconsolidated public utility vehicles.
Suno kay Manibela chairman Mar Valbuena, halos bilog nga National Capital Region ang maapektuhan kag ini ang madayon na subong nga adlaw.
Suno diri, nakahimo na sila sang final instructions sa ila mga miyembro isa ka adlaw antes magsugod ang protesta nga magadugay tubtob Hunyo 12, Independence Day.
Suno sa iya, sa ila protesta, wala sang pagpugong ukon pagpilit sa iban nga driver gani indi dapat maapektuhan ang pagbyahe sang iban.
Sila ang nagaapelar sa gobyerno nga i-extend ang deadline para sa Public Utility Vehicle Modernization Program sa sulod sang isa ka tuig agud mapahanugutan ang ila mga miyembro nga magcomply sa modernization nga indi kinahanglan sang kooperatiba.
Sila ang nagaprotesta man sa nagahilapit nga pagpanakop sang unconsolidated PUVs.
Suno kay Valbuena, kalabanan sa ila mga miyembro ang indi luyag makigbahin sa consolidation matapos nakit-an nga nabankrupt ang iban nga kooperatiba.
