Tubtob sa karun wala pa sang may nagpadulong sa General Services Office para mag-turn over sang televison gikan sa mga opisina sa Bacolod Government Center kasunod sa memorandum nga ginpagwa sang City Administrator nga may petsa Marso 23, 2023.
Santo sa memorandum, ginpanawagan ni Bacolod City mayor Alfredo Benitez ang tanan nga department heads nga I-turnover ang TV sa mga opisina sa GSO.
Sa interview sang Bombo Radyo kay Victor Espina, pinuno sang General Services Office, nagahulat ini nga may magapalapit kag mag turn-over sang TV apang wala pa sang may nagpadulong sa GSO para sa amo nga tinutuyo.
Naintindihan man sini ang concern sang pila ka opisina nga nagagamit sang TV para sa webinar ukon official use, gani makahimo ang mga ini sang letter to exemption.
Sa record sang GSO, may yara sang 133 ka TV nga yara sa mga opisina sang Bacolod Government Center nga ginapanag-iyahan sang gobyerno.
