Nagpatigayon sang protesta sa gwa sang United Nations Office sa Geneva ang mga Ukrainians sa special session sang UN Human Rights Council tuhoy sa gyera sa Ukraine kahapon.
Ginsinggitan sang Ukraine ang ila gintawag nga “sheer horror” kag “pure evil” nga pagpang-atake sang Russia sa ila pungsod kadungan sang pagpatigayon sang United Nations Human Rights Council sang extraordinary session tuhoy sa nagakatabo sa Ukraine.
Sang tinalikdan nga bulan, ginsuspendi sang United Nations General Assembly ang Russia nagikan sa Human Rights Council batok sa alegasyon sang war crimes nga ginhimo sang mga tropa sa Ukraine.
Ang India ang nalakip sa 58 ka mga nasyon nga nag-abstain sa resolution.
Sa session, ginpahayag ni Indra Mani Pandey, Permanent Representative sang India sa Geneva, nga ang position sang Indian government sa nagapadayon nga gyera sa UKraine ang “steadfast” kag “consistent”.
Suno sa iya, nagapabilin sila nga nagakahangawa sa nagapadayon nga developments kag padayon nga nagapanawagan sang gilayon nga pagpauntat sang ginamo kag pagpang-abuso.
