Ginkumpirmar sang presidente sang Kabakod Negros Transport Coalition Incorporated (KNETCO) nga sila ang magapatigayon sang transport caravan subong nga adlaw, Setyembre 24, 2024.
Sa interview sang Bombo Radyo Bacolod kay Lilian Sembrano, halin sa ila assembly area sa bangga Good Year sila ang magacaravan padulong sa Bacolod City Public Plaza.
Suno kay Sembrano, sila ang indi na magakinahanglan sang permit bangud sila ang moving kag wala man sang pagpondo.
Suno diri, paagi sa protests caravan, ila mapanindugan ang pagpractice sang ila kinamatarong sa freedom of expression.
Indi man sila magkuha sang mga pasahero sa ila nga patigayunon sa protests caravan.
Samtang, ginpahayag man ni Sembrano nga nagpasa na sila sang letter of intent nga ginarequire sa ila sang alkalde sang ciudad sang Bacolod para sa renewal sang ila nga prangkisa.
Nagpasar naman sang resolution ang Sangguniang Panlungsod para sa renewal sang ila nga prangkisa.
Ginahulat nalang sang mga ini ang sabat sang alkalde, kag dugang pa sini diri man nila makita kun ano kasinsero si Bacolod City Mayor Alfredo “Albee” Benitez sa pagbulig sa transport sector.
Suno pa diri, apisar nga nakapasa na sila sang letter of intent, magapatigayon sila gihapon sang transport caravan.
Sa pihak nga bahin, ginpahayag ni Sembrano nga pasakaan nila sang kaso sanday Bacolod City Police Office Director Police Col. Joeresty Coronica, Police Lt. Col. Joeresty Coronica, pinuno sang Bacolod City Investigation and Detection Management Unit kag Fire Superintendent Jenny Mae Masip, ang fire marshal sang Bacolod City Fire Station, sa pagpangharass sa ila sang September 18.
Naghatag man ini sang pagdayaw sa mga commuters kag ila gin-adjust ang ila aktibidad bilang konsiderasyon sa mga ini.
