Ginhatagan sang pasidungog ang mga kapulisan nga nasiguro sang peace and order sa Masskara Festival 2024.
Ginpatigayon ang Culmination and Awarding Ceremonies sa pagpanguna ni Police Regional Office 6 Director Police Brig Gen Jack Wanky sa paghatag sang award kay Bacolod City Police Office Director Police Col. Joeresty Coronica.
Ginhatagan sang pasidungog ang BCPO, Armed Forces of the Philippines (AFP), Philippine Coast Guard (PCG), City Disaster Risk Reduction Management Office (CDRRMO), Bureau of Fire Protection (BFP), Bacolod Traffic Authority Office (BTAO) kag force multipliers.
Ginpasalamatan ni Coronica nga wala sang major incidents nga nagluntad sa festival sites magluwas na lamang sa isa ka insidente nga makabig nga self-inflicted incident.
Suno diri, ini ang nagapakita nga successful ang pagsecure sang safety sa Masskara Festival.
Gin-acknowledge man ang successful nga pagkumpiskar sang masobra sa apat ka kilo sang suspected shabu antes pa man nag-umpisa ang selebrasyon sang Masskara Festival.
