Negatibo ang kalabanan nga sabat sang mga vendors sa pagparenovate sang Bacolod North Public Market sa Dalan Burgos.
Suno kay Bacolod City Mayor Alfredo ‘Albee’ Benitez’, mahimo man sini nga isaylo sa iban nga proyekto ang P525 million nga budget nga natalana para sa renovation sang merkado.
Apang, naghingyo man ini nga kun tani ikonsiderar sang mga vendors ang ini nga kahigayunan para mapanami ang sitwasyon sa merkado.
Rason sang mga vendors nga nagboto sang ‘No’, amo nga madulaan sila sang customer, kag mabudlay na para sa ila nga sila ang sayluhon samtang gina-renovate ang merkado.
Nagdangat sa 237 ang nagboto sang ‘No’, samtang, 34 lamang ang nag ‘Yes’.
Samtang, suno naman sa vendor nga si Lucilyn Dela Paz, kun may yara man sang minimal nga kalay-uhon, kaangay sang pagconstruct sang drainage, atop, kag CR, ini kuntani ang pahanugotan na lamang para mas mapanami ang pagnegosyo sa merkado.
Samtang, suno naman sa vendor nga si Carmelo Lacson, wala na ini nagboto pa bangod nga nakadepende naman lang ang mangin desisyon sa renovation santo sa majority sang boto.
