Ginkompirmar sang bise alkalde sang syudad sang Bacolod nga nahatagan na sang cash assistance ang mga vendors nga apektado sang road clearing operations sang gobyerno.
Sa interview sang Bombo Radyo Bacolod kay Vice Mayor El Cid Familiaran, ginpahayag sini nga madugay na ini kuntani ipanghatag ang bulig para sa apektado nga mga vendors apang nadelay ang pagpanghatag bangud sa COVID-19 pandemic.
Suno kay Familiaran, nakabaton sang P5,000 cash ang mga apektado nga vendors kag per batch naman ang pagpanagtag sang cash assistance.
Aminado man si Familiaran nga may yara sang nagapangawat nga magbalik sa pagbaligya sa side walk para man sa ila survival.
Ginpahayag man ni Familiaran nga ginapropose naman sang alkalde ang pagbutang sang night market agud bisan paano may palangitan-an ang mga vendors nga naapektuhan sang road-clearing operations.
Samtang, nagpanugyan man ang bise alkalde nga apisar nga nakasiguro na ang syudad nga may baklon nga vaccine nagikan sa AstraZeneca ipabilin sa gihapon ang hugot nga pagtuman sang minimum health protocols.
