Kapin P8.5 million ang arrears sang mga vendors sa Manokan Country sa Bacolod City Government.
Suno kay Bacolod City Legal Officer Atty. Romeo Carlos Ting Jr., 22 sa 28 ka mga ka mga vendors sa Manokan Country ang ginpapanaugan sang notice of violation sang Business Permits and Licensing Division bangud wala ang mga ini sang business permit.
Suno kay Ting, lima tubtob anum lamang ka mga stall owners ang may business permit gani ang 22 nga wala sang permit ang indi mainspect sang ciudad ilabi na sa bahin sang sanitation.
Suno diri, sang sila ang ginpamangkot kun diin ang ila mga business permit, ang ila sabat, on process pa ini.
Suno sa iya, bangud nga nagdangat sa masobra P8 million ang arrears, ginabanta nga kapin napulo ka tuig nga wala nagabayad ang mga ini sa ciudad.
Suno sa city legal officer, kun magmeeting ang local market committee, ila pagadiskusyunan kun paano sukton ang mga wala nagabayad nga vendors sa Manokan Country kag kun sila ang padal-an sang demand letter.
Nagapanawagan ini sa mga vendors nga magbayad sang renta sa ila nausar nga propedad sang ciudad kag icomply ang sanitary rules.
Kun indi ang mga ini makabayad, magapangita ang city government sang iban nga magasulod kag nakahibalo magbayad.//// VC: ATTY. ROMEO CARLOS TING JR. – CITY LEGAL OFFICER SANG BACOLOD CITY
