Amat-amat na nga nagsaylo ang mga vendors sang Silay City Public Market kasunod sa nagahilapit nga pag-umpisa sang rehabilitation kag renovation sang merkado.
Sa interview sang Bombo Radyo kay Silay City Mayor Joedith Gallego, nakaumpisa na ang construction sa temproraryo nga area nga saylohan sang mga vendors samtang nakahanda na ang pagconstruct sang merkado.
Suno diri, temporaryo nga hatagan sang pwesto ang mga vendors sa Bonifacio Street.
Natalana nga sa bulan sang Marso maga-umpisa ang pagconstruct sang merkado kag una nga iga-construct ang Building 1 ukon wet market kag matapos, amo naman ang pag-construct sang building 2 ukon dry market.
Suno kay Gallego, na-delay ang cinstruction bangod nga nag-ayo ang mga vendors nga sila ang hatagan sang kahigayunan nga makabaligya sadtong Disyembre bangod nga madamo sang costumer.
Mahibaluan nga ang rehabilitation kag renovation sang Silay City Public Market ang may budget nga P300 million.
Samtang, ang Silay City College naman ang naka-umpisa na sa pagconstruct samtang ginatrabaho pa ang City Sports Complex para sa lot donation kag posible naman nga sa bulan sang Marso ukon Abril paga-umpisahan na ang pagconstruct sang City Hall.
