Sarang lamang nga makapadayun sa pagbaligya sa Manokan Country ang mga vendors tubtob nga wala pa sang demolition order.
Sa interview sang Bombo Radyo Bacolod kay Councilor Celia Flor, chairperson sang Commission on Markets, bukas gihapon ang Manokan Country kag sarang pa makabaligya diri ang mga vendors.
Madumduman nga liwat nga gin-extend sa Setyembre 25 ang pagturn-over sang temporary site sang SM Prime Holdings Inc.
Ini bangod madamo pa sang gindugang sa pasilidad kalakip na ang exhaust system sang kada unit.
Sa tion nga maturn-over na sa mga vendors ang temporary location, pasalig ni Flor nga sila ang sarang gihapon makabaligya sa orihinal nga pwesto.
Sila ang makabaligya sa orihinal nga pwesto tubtob nga wala pa sang demolition order gikan sa Commission on Audit, antes makasugod sa pagpanirado ang SM para sa plano nga rennovation sang Manokan Country.
Magapatigayon man sang meeting ang mga vendors kag City Legal Office agud sila ang mabuligan sa paghitso sang utilities kaangay sang kuryente kag tubig.
