Ginkakas na ang pila sa mga kanta ni Taylor Swift sa social media videos nga gin-post sa kampanya ni US President Donald Trump kag sang White House.
Sang tinalikdan nga semana, gingamit ang kanta sang American superstar sa duha ka mga post.
Wala sang pahayag si Taylor angot kay Trump sang damlag lang, apang gin-endorso niya sang 2024 ang Democractic rival sini nga si anay Vice President Kamala Harris.
Sang 2020 campaign, gin-post ni Taylor sa iya social media nga nahibaluan ni Trump nga indi nila ini luyag nga mangin presidente.
Makapila ka beses na nga ginpakamalaot sang Presidente ang singer. Matapos gin-endorso si Harris, nag-post ang Republican nga akig ini kay Taylor.
Sang nagligad nga tuig, ginsiling man ni Trump nga indi na “hot” ang singer matapos ginpahayag niya nga naugot siya diri.
Magluwas sa iya, madamo na nga artist ang nagsaway sa Trump administration nga indi paggamiton ang ila kanta.
Lakip diri sanday Sabrina Carpenter kag Ariana Grande.
