Nadiskubrehan sang retired California highway patrolman ang pila ka mga unreleased nga kanta sang “King of Pop” nga si Michael Jackson.
Ang anay patrolman nga si Gregg Musgrove nakabakal sang isa ka storage unit sa Van Nuys kun diin nabutang ang mga recording ni Jackson.
Ang unit ang anay ginapanag-iyahan sang music producer nga si Bryan Loren, nga nagatrabaho man sadto kaupod sanday Whitney Houston kag Sting.
Sa sulod sang unit, nakit-an ang mga cassette kag digital audio tapes sang 12 ka unreleased tracks ni Jackson nga ginrecord na sini antes ang release sang iya album sang 1991.
Apang, nagkuha sang abogado si Musgrove para macontact ang Jackson estate kag ginhambalan nga ang estate ang nagapanag-iya sang copyright sang tanan nga musical recordings kag compositions sang singer amo nga indi ini marelease sa publiko.
Suno kay Musgrove iban sa mga kanta ang nasturyahan na sadto nga nahuman na samtang ang iban naman ang napagwa na partially sa publiko apang madamo pa sang kanta ang “King of Pop” nga wala napabati kag napahibalo sa kalibutan.
