Padayun ang panawagan sang mga veterans sang suporta gikan sa gobyerno.
Kaina alas-7:00 sang aga, ginsaulog ang ika-83 nga Araw ng Kagitingan sa Bacolod City Public Plaza nga may tema “Kabayanihan ng Beterano: Sandigan ng Kaunlaran ng Bagong Pilipinas.”
Ang aktibidad ang gintambungan sang pila ka mga government officials sang Bacolod City, Philippine National Police, Philippine Coast Guard, Boys Scout of the Philippines kag ang mga veterans.
Sa interview sang Bombo Radyo Bacolod kay Retired Col. Jerzon Juarez, presidente sang Bacolod City North Veterans District, aminado ini nga sa kada tuig nga selebrasyon may ara sang pagbag-o.
Apang tubtob sa karun wala gihapon sang pagbag-o sa ila panawagan nga sila ang suportahan man sang gobyerno.
Panindugan ni Juarez nga ini ang ginapanawagan niya indi lamang bangod siya ang isa sa mga war veterans, kundi bilang pagdumdom na lamang sa ila pagpakigbato para sa pungsod.
Nagapati ini nga kun sila ang wala nagpakigbato, ang gobyerno sa karun ang yara na sa kamot sang komunista.
Apisar sini, sila ang wala ginahatagan sang nagakaigo nga suporta.
