-- ADVERTISEMENT --
Nag-umpisa na ang Bureau of Plant Industry sa pag-inspect sa tanan nga warehouse sang bombay sa Pilipinas agud malikawan ang price manipulation kag hoarding sa tion sang harvest season.
Suno sa Department of Agriculture (DA), naghatag ini sang direktiba sa BPI nga mag-inspect sa mga warehouse agud madetermininar kun ginatago ang bag-o lang naharvest nga mga bombay imbes nga ginabaligya.
Suno kay Agriculture Secretary Francisco Tiu Laurel Jr, kun may makita ang ahensya nga mga stored onions sa mga warehouse, ini ang indikasyon nga may yara sang hoarding nga nagakatabo agud ma-manipular ang presyo sa pagpakita nga may yara sang shortage sa supply.
Ginalauman naman nga makumpleto sang BPI ang inspection subong nga semana.
