Miley Cyrus, nagrelease sang duha ka kanta gikan sa iya visual album nga ‘Something Beautiful’

Gin-release na ni Miley Cyrus ang duha ka mga kanta halin sa iya visual album nga gintig-uluhan nga ‘Something Beautiful’.

Sang Lunes, March 31, ginpagwa ni Miley ang kanta nga “Prelude” nga ginlakipan sang music video.

Sang Martes, April 1, gin-release man niya ang isa pa kanta nga “Something Beautiful,” nga gin-updan man sang isa ka music video.

Santo sa post ni Miley, nga ang title track naga-explore sang iya madalom nga koneksyon sa fashion gani ginapakita diri ang original custom design ni Casey Cadwallader para sa House of Mugler.

Una na nga gin-anunsyar sang kampo sang singer nga ifeature sa iya Something Beautiful album ang 13 ka mga orihinal nga mga kanta kun sa diin siya mismo kag si Shawn Everett ang executive producers.