Ginkumpirmar sang militante nga grupo nga Hezbollah nga ginpatay sang Israeli military ang ila nga pinuno nga si Hassan Nasrallah sa airstrike sang Biyernes sa Beirut, Lebanon.
Gintarget sang Israeli fighter jets sang Biyernes ang headquarters sang militante nga grupo, nga nahamtang sa isa ka lugar sang southern suburbs nga kilala bilang Dahiye.
Ginpahayag sang Israel Defense Forces (IDF) nga si Nasrallah ang nagaoperate nagikan sa headquarters kag nagaduso sang terrorist activities batok sa mga pumuluyo sang Israel.
Ginlaragway sang Hezbollah si Nasrallah bilang isa ka “sagradong martir” kag nagpromisa nga padayunon ang pakig-away sini sa Israel.
Ginpahayag sang grupo nga ang ila nga leader ang napatay matapos ang isa ka traidor nga Zionist airstrike sa southern suburbs.
