Nagapanawagan ang commander sang 79th Infantry Battalion sang Philippine Army nga kun may yara sang nahibaluan nga impormasyon may kaangtanan sa mga rebelde nga grupo, ini ang mahimo ipahibalo sa mga military.
Sa interview sang Bombo Radyo Bacolod kay Lt. Col. Arnel Calaogan, masami nila nga ginapanugyan sa mga pumuluyo nga kun may yara sang impormasyon nga makatudlo sa mga rebelde ilabi na sa ginatudlo commander sang Northern Negros Front nga si Arnel Tapang, ipahibalo na nila sa mga military.
Suno kay Calaoagan si Tapang ang may yara sang patong nga P1 million matapos nga ini ang ginatudlo nga suspek sa pagpamatay.
Ginpahayag man sini nga ginabantayan sang mga ini sa karun kag padayon ang ila mga operasyon agud nga matapna ang pagpangolekta sang mga ini sang revolutionary tax.
Mas ginpahugot pa sang 79th IB ang pagbantay ilabi na nga mahimo biktimahon sang mga rebelde ang mga political aspirants sa nagahilapit nga 2025 midterm elections.
Suno sa 79th IB commander mahimo magpanaog ang mga rebelde nga grupo bangud nagakinahanglan ang mga ini sang pondo agud nga mapadayon ang ila nga mga operasyon.
