Militar, nagpanawagan sa mga kandidato nga magreport kun may NPA nga magapangyo sang campaign fees

Nagpanawagan ang commander sang 3rd Infantry Division, Philippine Army sa mga kandidato sa eleksyon nga ireport sa otoridad kun may New People’s Army nga magapangayo sang campaign fees.

Sa interview sang Bombo Radyo kay Brigadier General Michael Samson, commander sang 3rd ID, kun kaisa may yara sang miyembro sang NPA nga mangayo sang kwarta sa mga pulitiko antes sila makapangampanya sa ila lugar.

Suno diri, ireport gilayon ang ini nga mga insidente bangod mahimo man nga sila ang mga napakuno-kuno nga NPA agud makapangayo lang sang kwarta.

Nagapangayo ini sa karun sang koordinasyon kag kooperasyon sa tunga sang political personalities kag otoridad.