Padayun pa ang operasyon sang militar matapos ang pagkatukib sang mga war materials sa ginalantaw kampo sang Communist Terrorist Group nga New People’s Army (NPA) sa ciudad sang Cadiz.
Sa interview sang Bombo Radyo Bacolod kay Lt. Col. Arnel Calaoagan, Commander sang 79th Infantry Battalion sang Philippine Army, sa ila nga pagpatigayon sang focused military operation ginpahayag sang mga pumuluyo nga may presensya sang armado nga grupo sa lugar.
Apang wala sini ginbuyagyag ang akwal nga location sa Cadiz City bangod ongoing pa ang ila operation.
Sang ila ginpadulungan, didto nagbungad sa mga militar ang mga war materials kaangay sang magazine kag mga bala sang M16 rifle, hammocks, keypad cellphones, backpacks, sim card, flashdrive, flashlight, kag iban pa.
Ang pinaka-importante nga recoveries amo ang mga subersibo nga mga dokumento nga naga-unod sang letters kag mga action plan for recovery sang makawala nga grupo kag yara man ang listahan kag status sang mga landowners sa lugar.
Aminado si Calaoagan nga mabaskog kun manilag ang mga NPA gani mahimo natiktikan na ang ila nga operasyon gani sila ang wala na sang may naabtan bisan isa nga rebelde sa kampo.
Pasalig sini sa mga pumuluyo sa lugar nga ang militar ang may ginasunod nga rules of engagement kag sa pagpatigayon sang operasyon, ginaseguro gid nga wala sang may maulamid nga sibilyan.
