Wala sang may narekord nga indiscriminate firing ang katapo sang 303rd Infantry Brigade sang Philippine Army kadungan sang pagsug-alaw sang bag-ong tuig.
Sa interview sang Bombo Radyo Bacolod kay Col. Inocencio Pasaporte, commander sang 303rd IB, iya ginakalipay nga wala sang may nagbayolar nga katapo sang militar sa direktiba nga ginadumili ang pagpalupok sang ila nga service firearm.
Suno kay Pasaporte, nagapakita lamang ini nga yara sa gihapon ang disiplina sa kaugalingon sang mga militar.
Nagapati man si Pasaporte nga resulta ini sang wala untat nga pagpahanumdom sa tropa sang militar nga posible sila magpangatubang sa administrative cases kag dismissal from the service pananglitan nga magpalupok sila.
Nagpasalig naman ang opisyal nga padayunon lamang nila ang ila mga programa para sa tuig 2020.
