Nagagwa sa bag-o nga mga sattelite image ang isa ka kompaniya sang teknolohiya nga nakabase sa Estados Unidos nga nagapadayon ang military build up sang Russia sa Crimea, Western Russia kag Belarus, samtang padayon nga nagasaka ang tensyon sa Ukraine nagikan sa tatlo ka mga direksyon, nga ginahighlight ang kahadlok nga ang Kremlin ang nagaplano sang pagpang-atake sa teritoryo sang Ukraine.
Sa Crimea, isa ka dako nga deployment sang mga tropa kag kagamitan ang naobserbahan sang Maxar sa mga litrato nga nakolekta sang Huwebes, suno kay Stephen Wood, isa ka senior director sang kompaniya.
Ang deployment ang nahamtang sa Oktyabrskoye airfield sa naaminhan nga bahin sang Crimean capital nga Simferopol.
Ginabanta sang Maxar nga masobra 550 troop tent kag ginatos nga salakyan ang nag-abot sa site.
Ang iban pa nga mga site sa Crimea ang nakakita man sang pagdamo sang mga tropa kag kagamitan lakip na ang Novoozernoye, nga nakaangkon sang malapad nga pagdeploy sang artillery kag training exercises.
Ang bag-o nga deployment sa Crimea ang naobserbahan sa pareho nga adlw nga nag-abot ang pila ka mga war ships sang Russia, lakip na ang dalagko nga mga amphibious landing ship, sa Sevastopol, ang primary nga dungkaan sang Crimea.
Sa Belarus, nakit-an ang bag-o nga deployment sang mga tropa, salakyan pangmilitar kag helicopter sa airport sang Zyabrovka malapit sa ciudad sang Gomel, mga 15 miles ukon 25 kilometers nagikan sa border sang Ukraine.
