Ginalauman nga magatapos sa bulan sang Abril ang milling season sang kalamay samtang sa karun yara na sa 30 tubtob 40 porsyento ang natapos na galing.
Sa interview sang Bombo Radyo Bacolod kay Congressman Bernardino Yulo, mapait ang selebrasyon sang paskwa kag bag-ong tuig bangod sa manubo nga mill gate price sang kalamay.
Suno diri, Sa karun ang farm gate price sang kalamay ang yara sa presyo nga P2,400 kada sako nga nagtupa sa tagP45 kada kilo apang kun ini naman ang ibaligya sa merkado, ini nagabalor sang P80 tubtob P85 kada kilo.
Suno sa kongresista, indi lang ang planta ang apektado sang manubo nga mill gate price, apang nalakip na diri ang mga negosyante, mga konsumedor kag kasubong man ang mga lokal nga mga planters.
Samtang, sa Abril, ginalauman nga matapos na ang galing, kag sa karun nagdangat na sa 9 million metric tons ang nagaling ukon yara na sa 30 tubtob 40 porsyento.
