Ginalantaw nga maga-abre na ang galing sa Setyembre 15 subong nga tuig apisar nga may yara sang mga sugar producers nga nag-ayo nga sa Oktubre pa sila makapagaling.
Ini bangud alang alang pa ang ila nga produkto bangud man sa epekto sang El Ninio.
Sa interview sang Bombo Radyo Bacolod kay Sugar Regulatory Administration Administrator Pablo Ascona, sa September 15 magaumpisa na ang milling season apang madamo sang nagaayo nga sa October 1.
Bangud sini nagpangayo si Ascona sang statement sa Philippine Sugar Millers Association (PSMA) nga luyag sang mga ini nga sa October 1 pa magabukas sang galing agud nga may yara man siya sang basehan apang wala man nagpasugot bangud ang iban nga sugar mills ang luyag nga mag-umpisa sang temprano.
Suno diri, ginalauman na sang Department of Agriculture kag SRA nga mangin mahinay ang pag-umpisa sang galing subong nga tuig bangud nga ang mga dalagko nga planters ang magapaling pa sang ila produkto sa October 15.
Suno kay Ascona, base sa personal sini nga eksperyensya maayo ang produksyon sang tubo pagkatapos sang El Ninio.
Apang ang ginalantaw nga problema sa karun amo ang pagmahal sang patdan kun sa diin ang ang kada laksa ang nagadangat sa P9,000 tubtob P15,000 kada laksa.
Ginpahayag man sang SRA administrator nga mapabilin ang maayo nga produksyon sang tubo kaangay sang tinalikdan nga tuig.
