Minilyon na ka mga Amerikano ang nakaboto sa Estados Unidos samtang ginpahayag naman ni Democratic presidential candidate Kamala Harris ga magakuha ini sang suporta nagikan sa undecided nga mga botante sa isa ka televised town hall sa battleground Pennsylvania samtang si Republican Donald Trump ang nagpadulong naman sa Georgia.
Malapit 25 million nga mga botante ang nakaboto na in person ukon paagi sa mail-in ballots suno sa tracking data nagikan sa Election Lab sa University of Florida.
Pila ka mga estado, lakip na ang battlegrounds sang North Carolina kag Georgia, ang nagset sang ila records sa respective first day sang early voting sang tinalikdan nga semana.
Ang Pennsylvania kag Georgia ang nalakip sa pito ka mga battleground states nga magadesisyon kun sin-o ang magadaog sa pagka-Presidente kag ang duha ka mga kandidato ang ginalantaw magatutok diri samtang nagahilapit ang Eleksyon.
