Gin-engganyo ni Department of Labor and Employment (DOLE) Undersecretary Benjo Benavidez ang mga minimum wage earner nga mag-avail sang Ayuda sa Kapos Ang Kita Program (AKAP).
Suno kay Benavidez, ang nasambit nga programa ang ginhimo para mabuligan ang mga mamumugon nga naga-sweldo sang minimum wage kag below minimum wage.
Ang kontrobersyal nga AKAP ang isa ka government assistance program sa idalom sang Department of Social Welfare and Development (DSWD) kag National Economic Development Authority.
Suno kay Benavidez, mahimo makakuha ang mga mamumugon sang salary certification halin sa ila nga mga employer kag isumiter ini sa DSWD bilang requirements.
Nahibaluan, base sa 2025 General Appropriations Act (GAA) nga ginpirmahan ni Presidente Ferdinand Marcos Jr., ang AKAP ang may pondo nga P26 billion para sa sini nga tuig.
