Mahimo naman makabakal sang 20 pesos kada kilo sang bugas ang mga minimum wage earners sa pungsod.
Ginpahayag ni Agriculture Secretary Francisco P. Tiu Laurel Jr.. nga ini matapos nga nahisugtanan “in principle” sang Department of Agriculture (DA) kag Department of Labor and Employment (DOLE) nga ilakip na ang mga minimum wage earners sa padayon nga pilot run sang P20/kilo rice program.
Suno kay Laurel nga ginsaligan man nila nga ang mga eligible workers gikan sa mga participating companies ang makasugod na nga maka -access sa P20/kilo rice program sa Hunyo.
Dugang pa nga paagi sa amo nga programa, pahanugutan ang NFA nga makabakal sang mas madamu nga bugas halin sa mga lokal nga mangunguma.
Ang barato nga bugas ang mabakal lamang sa mga Kadiwa Stores para sa mga indigents, senior citizens, solo parents kag PWDs.
