Ginmultahan sang NBA sang $50,000 si Minnesota Timberwolves star Anthony Edwards bangud sang paghimo sang obscene gestures sa isa ka game official.
Ini na ang ikalima nga tion subong nga season nga ginmultahan si Edwards, nga nagadangat na subong sa $285,000.
Ang pinakaulihi nga insidente ang natabo sa second quarter sang kalutusan sang Minnesota sa mga kamot sang pangayaw nga Memphis Grizzlies.
Sang nagligad, ginmultahan man si Edwards sang $35,000 sang naghimo man sang bastos nga hulag sa court sa kadalag-an sang ila team sa Sacramento sang Nobyembre 15.
Ang two-time All-Star kag 2023-24 All-NBA selection ang ginmultahan man sang makatatlo ka beses sang Disyembre.
Ginmultahan man sia sang $25,000 sa isa ka postgame interview kag pagkaligad sang duha ka semana, ginmultahan naman sia sang $75,000 bangud sa pag-criticize sa pag-officiate sang ila hampang.
Sang Disyembre 27, ginpabayad man sia sang $100,000 bangud sa pagbinastos sa isa ka interview.
Ang 23 anyos nga si Edwards ang naga-average sang 25.4 points, 5.7 rebounds kag 4.2 assists kada hampang subong nga tuig.
