Nagluntad ang minor explosive eruption sa Bulkan Kanlaon alas-3:11 kahapon sang hapon nga nagdugay sang kapin duha ka minutos.
Sa interview sang Bombo Radyo kay Ptolemy Mañego, science research asisstant sa Philippine Institute of Volcanology and Seismology (PHIVOLCS) Kanlaon Volcano Observatory – La Carlota Station, narekord ang minor explosive eruption kahapon apang indi maathag kun lantawon ang crater sang bulkan bangod sa pag-ulan.
Suno diri, naeksperyensyahan ang baho sang asupre kag pagtupa sang abo sa banwa sang La Castellana kag ciudad sang La Carlota.
May yara man sang nabatian nga pagpanaguob apang wala naman sang nabatyagan nga paglinog.
Pahayag ni Mañego, ang sa karun nga eruption ang kaangay sa natabo nga paglupok sang bulkan sang Disyembre 9, 2024, apang minor explosion lang ang natabo kahapon.
Panugyan sini sa mga residente nga magulu-aligmat sa sitwasyon, magsunod sa abiso, kag maghalong.
