Aminado ang Central Negros Electric Cooperative nga may miscoordination nga natabo gani wala napahibalo ang mga elementary schools antes gin-utdan sang kuryente tinalikdan nga adlaw bangud wala nakabayad sang bill ang city government.
Suno kay Bacolod City Administrator Atty. Pacifico Maghari III, may yara sang miscoordination sa tunga sang CENECO kag sang city government gani nagpangako si CENECO general manager Atty. Arnel Lapore nga magacoordinate gid sang maayo sa ciudad.
Suno diri, ang city government ang pinakadako nga customer sang CENECO gani nagakadapat lamang nga maghatag sila sang courtesy antes ang disconnection.
Ginalantaw sini nga may miscoordination sa tunga sang management sang power distributor kag mga linemen antes sila nang-utod.
Bangud sini, nagbutang sang liaison officer agud nga wala sang disconnection tubtub nanotify ang LGU angot sa plano.
Ginrequire naman ang CENECO nga magsubmit sang pamatuod nga nahatagan sang bill sang city government.
Ginpahayag man sang CENECO nga may mga previous years nga wala gid sila nabayaran.
Sa karon, wala pa nahitso ang offsetting sang balayran sang CENECO nga buwis kag power bill sang city government bangud wala pa sang available nga pondo.
Bangud kwestyon kun paano isettle ang balanse kun naoffset na ang utang, may yara sang plano nga CENECO ang maimplementar sang proyekto sang ciudad kun bayaran ang back electricity charges.
Santo sa figure, malapit P160 million ang mabilin sa balayran sang CENECO nagikan pa sa previous administrations.
