Ginakahangaw-an sa karun nga ang kadalag-an ni Donald Trump sa eleksyon ang magahatag sang dalan sa bag-o nanaman nga wave sang misinformation, indi lamang sa politika kundi sa mga bakuna kag klima kun sa diin ang ginalauman nga cabinet picks sini ang preparado nga magchallenge sa scientific community.
Sa closing weeks sang iya 2024 campaign, gin-air ni Trump ang mga false claims natuhoy sa weather manipulation kag government assistance matapos nag-igo ang mga hurricanes sa North Carolina, isa ka swing state nga iya man gindag-an.
Suno kay Bill Adair, isa ka professor sang Duke University nga nagtukod sang fact-checking site nga PolitiFact kag nag-author sang “Beyond the Big Lie” nga libro, ang problema sa misinformation kag disinformation ang naglala na gid kag ang mga tactics nga gindesinyo agud macontain kag macorrect ang mga misinformation kaangay sang fact-checking kag social media moderation ang wala nagagana.
